សកម្មភាពការងាររបស់ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង នៅថ្ងៃចន្ទ ៣កើត ខែចេត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៣១ ខែមីនា ឆ្នាំ២០២៥ មានសកម្មភាពដូចខាងក្រោម ៖

I- ផ្នែកផលិតកម្ម

1. ការងារស្ថិតិសត្វ ⁃ គោ 369,305 ក្បាល ⁃ ក្របី20,527 ក្បាល ⁃ សេះ 120 ក្បាល ⁃ ជ្រូក 30541 ក្បាល ⁃ ចៀម 257 ក្បាល ⁃ ពពែ 5732 ក្បាល ⁃ មាន់2,759,493 ក្បាល ⁃ ទា 1,280,290 ក្បាល ។

2. ការងារ ចិញ្ចឹមសត្វ

⁃ ចុះពិនិត្យមេីលការចិញ្ចឹមគោ និងជ្រូក ដល់កសិករ កែវ សារុន នៅភូមិ ក្រាំងចិន ឃុំ ស្ដៅកោង និងណែនាំពីបច្ចេកទេសចិញ្ចឹម ការថែរទាំមេជ្រូកផើម ការថែរទាំកូនជ្រូកទើបកើត និងពេលផ្ដាច់ដោះកូនជ្រូក និងបានណែនាំពីរបៀបចិញ្ចឹមគោបំប៉ន បានផ្ដល់ថ្នាំសំលាប់មេរោកចំនួន 2 លីត្រ សំរាប់បាញ់លើដីទំហំ5600ម៉ែត្រការ៉េគាត់មានគោចំនួន 16ក្បាល ជ្រូកមេ 7ក្បាល កូន29ក្បាល ។ ដល់កសិករ​ ឈ្មោះ​ ម៉េង​ យឿនមានក្របី10ក្បាលនៅភូមិតាំងស្នាយ​ ឃុំរកា​ ស្រុក​ពារាំង ។ 

II- ផ្នែកបសុព្យាបាល 

1. ការនាំចេញសត្វ និងផលិតផលសត្វ (ក្រៅផ្លូវការ) ក្នុងខេត្តព្រៃវែង

• នាំចេញ ជ្រូករស់ និងស៊ុតបក្សីទៅភ្នំពេញ និងខេត្តផ្សេងៗ 

⁃ ស៊ុតទា ១៥៨៥០០គ្រាប់

⁃ ស៊ុតមាន់ ១៥៤០០គ្រាប់ 

⁃ គោ ១៨៧ក្បាល។

2. ការងារសុខភាពសាធារណៈ 

⁃ ចុះពិនិត្យអនាម័យសត្វមុននិងក្រោយពេលពិឃាត កន្លែងតាំងលក់ឭសាច់ និងបានណែនាំម្ចាស់សត្តឃាត ក៍ដូចជាអាជីវករពិឃាតសត្វ ត្រូវធ្វើអនាម័យ នៅសត្តឃាត កន្លែងតាំងលក់ និងបិទវិញ្ញាបនបត្រអនាម័យសត្វ ដែលចេញដោយបសុពេទ្យប្រចាំសត្តឃាតនៅកន្លែងតាំងលក់ ។

⁃ ត្រួតពិនិត្យអនាម័យសាច់សត្វនៅសត្តឃាតដ្ឋាន ឃើញមាន ដុំគីសទឹកនៅគូទខូចគុណភាព1ករណីទម្ងន់សរុប0.3kg បានដកហូតនឹងដុតកំទេចចោល នៅស្រុកព្រះស្តេច ។ 

3. ការងារអន្តរាគមន៍

⁃ បាញ់ថ្នាំសំលាប់មេរោគកន្លែងប្រមូលផ្តុំកូនជ្រូកទំហំ600មែត្រការរ៉េ នៅផ្សារដីឡូ ឃុំច្រេសស្រុកមេសាង:បានណែនាំអាជីវករ ហាមយកជ្រូកមានជម្ងឺមកលក់នៅទីប្រមូលផ្តុំ ពេលដឹកចេញត្រូវឆ្លងកាត់ការបាញ់ថ្នាំសំលាប់មេរោគជាមុនសិន ។

III- ផ្នែកផ្សព្វផ្សាយ សិក្ខាសាលា និងប្រជុំផ្សេងៗ

⁃ បើកវគ្គបណ្តុះបណ្តាលស្តីពី ការចិញ្ចឹមសត្វ និងបង្កាត់គោភាតរបរិស្ថាន បច្ចេកទេសបង្កាត់សិប្បនិម្មិតគោ រយះពេល៤ថ្ងៃ គឺនៅស្រុកកំពង់ត្របែក និងស្រុកមេសាង គាំទ្រដោយគម្រោងសុខភាពសត្វឆ្លងកាត់ព្រំដែន និងការជំរុញខ្សែច្រវ៉ាក់តម្លៃសត្វ ។

IV- ផ្នែកមន្ទីរពិសោធន៍

⁃ បានសហការណ៍ ជាមួយមន្រ្តីវិទ្យាស្ថានស្រាវជ្រាវសុខភាពសត្វ និងផលិតកម្មសត្វ បសុព្យាបាល នៃអគ្គនាយកដ្ឋានសុខភាពសត្វ និងផលិតកម្មសត្វ ចុះយកវត្ថុវិភាគមាន់២០ក្បាល និងទា២០ក្បាល នៅស្រុកកំពង់ត្របែក និងស្រុកស្វាយអន្ទរ ។