លទ្ធផលការងាររបស់ខណ្ឌរដ្ឋបាលជលផលនៃមន្ទីរកសិកម្ម រុក្ខាបរមាញ់ និងនេសាទ ខេត្តព្រៃវែង នៅថ្ងៃចន្ទ ១១រោច ខែផល្គុន ឆ្នាំរោង ឆស័ក ព.ស.ឆ្នាំ២៥៦៨ ត្រូវថៃ្ងទី២៤ ខែមីនា ឆ្នាំ២០២៥  មានដូចខាងក្រោម ៖ 

១-ការងារវារីវប្បកម្ម ៖ 

មានកសិករចិញ្ចឹមត្រីចំនួន ៩៧គ្រួសារ បានប្រមូលផលវារីវប្បកម្មមាន ត្រីទីឡាព្យា ១,៤០តោន ត្រីកាបសាមញ្ញ ០,៩០តោន ត្រីកាបកាបស ០,៧០តោន ត្រីកាបឥណ្ឌា ១,១០តោន ត្រីអណ្ដែង ៦,២០តោន ត្រីឆ្ពិន ២,៨០តោន ត្រីប្រា ៩០,៤០តោន ត្រីពោ ២,៨តោន ត្រីរ៉ស់ ១,៥០តោន ត្រីកាហែ ០,៥០តោន បង្កងអូស្ត្រាលី ០,១០តោន ត្រីក្រាញ់ ១,៦០តោន ។ 

បរិមាណផលវារីវប្បកម្មសរុប ១១០តោន (តម្លៃផលវារីវប្បកម្មមធ្យម ៥ ១៨០រៀល/គ.ក្រ) ស្មើនឹងថ្លៃសរុប ៥៦៩ ៨០០ ០០០ រៀល ស្មើនឹង ១៤០ ៦៩១,៣៦ដុល្លារ ។ 

២-ពង្រឹងការអនុវត្ដច្បាប់ 

លោកងិន សុខ នាយរងខណ្ឌរដ្ឋបាលជលផលព្រៃវែង បានដឹកនាំផ្នែករដ្ឋបាលជលផលស្ទឹងស្លូត និងមន្ត្រីក្រោមឱវាទ ចុះស្រាវជ្រាវ ត្រួតពិនិត្យ ទប់ស្កាត់ និងបទល្មើសជលផលនៅចំណុចព្រែកអូររុង ភូមិព្រៃអង្គុញ ឃុំព្រៃកណ្ដៀង ស្រុកពាមរក៍ ខេត្តព្រៃវែង អនុវត្តបាន ១ករណី ពីបទដាក់សម្រាស់ធ្វើឲ្យត្រី ឬវារីសត្វកុំ។ 

សម្រាស់ល្មើសច្បាប់ ត្រូវបានរុះរើបំផ្លាញចោលនៅនឹងកន្លែង មាន សម្រាស់ទំហំ ២៧០ម៉ែតការ៉េ (យកទៅបោះចូលក្នុងអន្លង់អភិរក្សអូរថ្ងាន់បឹងស្នហ៍)។