ព័ត៌មានសង្ខេបស្តីពី សកម្មភាព និងលទ្ធផលការងារខណ្ឌរដ្ឋបាលព្រៃឈើ នៃមន្ទីរសិកម្ម រុក្ខាប្រមាញ់ និងនេសាទ ខេត្តព្រៃវែង នៅថ្ងៃពុធ ១០កើត ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ ដូចខាងក្រោម៖

១-ការងារពង្រឹងការអនុវត្តច្បាប់៖

មន្ត្រីរដ្ឋបាលព្រៃឈើមូលដ្ឋាន ខណ្ឌ ផ្នែក និងសង្កាត់រដ្ឋបាល ព្រៃ ឈើ បានល្បាត ទប់ស្កាត់ បង្ក្រាបបទល្មើសព្រៃឈើ និងសត្វព្រៃតាមគ្រប់រូបភាពក្នុងដែនសមត្ថកិច្ចតាមគោលដៅផ្លូវជាតិលេខ១១ និងផ្លូវជាតិលេខ៨ ភូមិសាស្ត្រស្រុក កញ្រ្ចៀច ស្រុកស្វាយអន្ទរ ស្រុកកំចាយ មារ និងតាមគោលដៅផ្លូវជាតិលេខ១ក្នុងភូមិសាស្ត្រស្រុកកំពង់ត្របែក និងស្រុកព្រះស្តេច និងស្រុកពាមរក៍ និងទប់ស្កាត់បទល្មើសការកាប់ រានដុតឈូសឆាយ និងហ៊ុមព័ទ្ធដីព្រៃឈើដើម្បីវាតយក ដីធ្វើកម្មសិទ្ធិ (ដីស្ថានីយ៍ដាំឈើ)ក្នុងស្រុកកំចាយមារ ខេត្តព្រៃវែងពុំមានជួបប្រទះបទល្មើសទេ។

២-ការងារគ្រប់គ្រងរោងសន្និធិ និងរោងសិប្បកម្មកែច្នៃ

- ខណ្ឌ ផ្នែក និងសង្កាតរដ្ឋបាលព្រៃឈើបានបន្តគ្រប់គ្រងរោងសន្និធិ រោងសិប្បកម្មកែច្នៃផល អនុផល ព្រៃឈើ ៧៥ កន្លែងនិងរោងសន្និធិ ប្រភេទធំ (ច្រក ចេញ-ចូលតែមួយ)ចំនួន០១កន្លែង, រោងចក្រផលិផលរានទេវតារបស់ ក្រុមហ៊ុ ន YLT International Co.,Ltd ០១កន្លែង ។

- មន្ត្រីរដ្ឋបាលព្រៃឈើមូលដ្ឋានបានចុះត្រួតពិនិត្យ តាមដាន នឹងកាត់ស្តុកកត់ត្រាការចរាចរ ផល អនុផល ព្រៃឈើតាមបណ្ដារោងសន្និធិ និងរោងសិប្បកម្មកែច្នៃផល អនុផល ព្រៃឈើក្នុងស្រុកព្រះស្ដេច០៣កន្លែង ស្រុកពារាំង ០២កន្លែង និងស្រុកកំពង់ត្របែក០១កន្លែង។

៣-ការងារបណ្តុះកូនឈើ និងចែកចាយកូនឈើ ៖

មន្ត្រីជំនាញបានបន្តថែទាំកូនឈើក្នុងថ្នាល នៅតាមស្នាក់ការខណ្ឌ ផ្នែក និងសង្កាត់រដ្ឋបាលព្រៃឈើ នឹងបន្តចាយចែកកូនឈើជូនប្រជាពលរដ្ឋតាមការស្នើសុំជាក់ស្តែង។