នៅព្រឹកថ្ងៃព្រហស្បតិ៍ ៤ រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៨ ខែមីនា ឆ្នាំ២០២៤ សហគមន៍កសិកម្មក្ដីសង្ឃឹមបឹងព្រះបានរៀបចំ មហាសន្និបាតបូកសរុបលទ្ធផលការងារប្រចាំឆ្នាំ២០២៣និងលើកទិសដៅបន្ដឆ្នាំ២០២៤ ភ្ញៀវកិត្តិយសអញ្ជើញចូលរួមមាន៖
- លោកស្រី អាត ឌីណា ប្រធានការិយាល័យអភិវឌ្ឍន៌សហគមន៍កសិកម្មនៃមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង
- លោក ប៊ិន សំអុល អភិបាលរងស្រុកបាភ្នំ
- លោក ព្រំ សូផាត ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកបាភ្នំ
- លោក កៀត សាម៉េត ក្រុមប្រឹក្សាឃុំបឹងព្រះ
- លោក ឈឹម សុភា នាយប៉ុស្តិ៍ឃុំបឹងព្រះ
- អ្នកចូលរួមសរុបចំនួន ២២២នាក់ ស្រី ១៥១នាក់ ស្ថិតនៅស្នាក់ការសហគមន៍កសិកម្ម ភូមិអង្រ្គង ឃុំបឹងព្រះ ស្រុកបាភ្នំខេត្តព្រៃវែង។
១-សហគមន៍កសិកម្មមានមុខរបរចំនួន ០៣មុខរបរ÷
- ឥណទានកសិកម្មខ្នាតតូច
- បញ្ញើសន្សំ
- ផ្គត់ផ្គង់សម្ភារៈ (ទិញ លក់ជីកសិកម្ម ស្រូវ ពូជ ថ្នាំកសិកម្ម) ។
២-លទ្ធផលសំរេចបាន៖
- សហគមន៍កសិកម្មមានភាគហ៊ុនសរុបចំនួន២៤៩៨ ហ៊ុន ប្រាក់ភាគហ៊ុនសរុបចំនួន ៤៩ ៩៦០ ០០០រៀល សមាជិកសរុបចំនួន ៨២៨នាក់ ស្ត្រី ៥៨៣នាក់ ។
- ប្រាក់ទុនសហគមន៍សរុបចំនួន ៤៦៤ ២១២ ៥៤៤រៀល
- ប្រាក់ចំណូលដុលសរុបចំនួន១៩០ ៧២២ ១០០ រៀល
- ប្រាក់ចំណេញប្រតិបត្តិការសរុបចំនួន ១៦១ ២៦៦ ០៦៤រៀល
- ប្រាក់ចំណេញសុទ្ធសរុបចំនួន ២៩ ៤៥៦ ០៣៦ រៀល
- ប្រាក់បែងចែកភាគលាភសរុបចំនួន ១៤ ៧២៨ ០២០ រៀល ដោយក្នុង ១ហ៊ុន ទទួលបានចំនួន ៥៨៩០ រៀល។
៣- អង្គសន្និបាតបានអនុម័ត៖
- របាយការណ៍ប្រចាំឆ្នាំ របស់គណៈកម្មាធិការត្រួតពិនិត្យ
- អនុម័តសមាជិកថ្មី
- អនុម័យហេរញ្ញិកថ្មី
- ផែនការសកម្មភាពនិងផែនការហិរញ្ញវត្ថុសម្រាប់ឆ្នាំ២០២៤
៤-ផែនការបន្ដឆ្នាំ២០២៤៖
- បណ្ដុះបណ្ដាលពង្រីកសមត្ថភាពដល់គណកម្មាធិការសហគមន៍និងសមាជិក
- ចងក្រងនិងបង្កើតក្រុមជួយខ្លួនឯងចំនួន ១០ក្រុមស្មើរ២៥០នាក់
- ចងក្រងក្រុមផលិតមាន់ស្រែ
- ចងក្រងផលិតបន្លែសុវត្ថិភាព
- ចងក្រងក្រុមផលិតស្រូវចំណី និងស្រូវពូជ
- ពង្រីកសមាជិកថ្មី៣០០នាក់។
