នៅរសៀលថ្ងៃចន្ទ ៣កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១២ ខែ​កក្តដា ឆ្នាំ២០២១ លោក អ៊ុក សំណាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង លោកបានដឹកនាំកិច្ចប្រជុំបូកសរុបលទ្ឋផលការងារ​មន្ទីរកសិកម្ម រុក្ខា​ប្រមាញ់ នឹងនេសាទខេត្តព្រៃវែង ជាមួយលោកលោកស្រីថ្នាក់ដឹកនាំមន្ទីរ លោកនាយនាយរងខណ្ឌ រដ្ឋបាលព្រៃឈើ រដ្ឋបាលជលផល​លោកលោកស្រីប្រធានអនុប្រធានការិយាល័យនានាក្រោមឱវាទមន្ទីរកសិកម្ម រុក្ខា​ប្រមាញ់​នឹងនេសាទ​ខេត្ត​ប្រចាំ​សប្តាហ៍ទី២ ខែកក្តដា​ នឹងប្រចាំខែ​មិថុនា ​ឆ្នាំ២០២១ នឹងលើកទឹសដៅអនុវត្តបន្ត​ក្នុងស្ថានភាពបរិបទកូវី១៩ តាមប្រពន្ឋ័ Video Conference Zoom ដើម្បីបង្រឹងគុណតម្លៃការងារផ្តល់សេវាបច្ចេកទេសនានារក្សាបាននូវការចូលរួមចំណែកទ្រទ្រង់សន្តិសុខស្បៀងនឹងចំណូលសេដ្ឋកិច្ចគ្រួសារតាមរយះនៃការបន្តផ្តល់សេវា រួមមាន ៖

១~យកចិត្តទុកដាក់តាមដាននឹងជំរុញការងារបង្ករបង្កើនផលដំណាំគ្រប់ប្រភេទមានស្រូវ បន្លែ ការចិញ្ចឹមសត្វ នឹងការចិញ្ចឹមត្រី​កង្កែប​ ។​ល។ តាមរយះការផ្តល់សេវាបច្ចេកទេនឹងគាំទ្រសម្ភារះបរិក្ខាធាតុចូលកសិកម្ម ក្នុងការបង្កើតបណ្តុំអាជីវកម្មផលិតកម្ម​គ្រប់ប្រភេទបន្ថែម ។​

២~យកចិត្តទុកដាក់ខ្ពស់បន្តថែរក្សាសុខភាពសត្វតាមរយះនៃការចាក់វាក់សាំង គោ ក្របី ការពារជំងឺឆ្លងសត្វ​ដូចជាការពារជំងឺសារទឹក ការពារជំងឺអុតក្តាម ជូនប្រជាពលរដ្ឋដោយឥតគិតថ្លៃ ព្រមទាំងត្រូវចូលរួមយកចិត្តទុកដាក់រក្សាសុខសុវត្ថិភាពខ្លួនអោយចៀសផុតពី​ជំងឺឆ្លង​កូវីដ១៩ ដោយអនុវត្តអោយបានខ្ជាប់ខ្ជួននូវ វិធានការ​បីកុំ បីការពារ របស់រាជរដ្ឋាភិបាល អោយបានជាប្រចាំប្រកបដោយប្រសិទ្ឋភាព ។​

៣~បន្តយកចិត្តទុកដាក់គាំទ្រផលិតកម្មចិញ្ចឹមត្រី​នឹងបង្កែប ដើម្បីផ្គត់ផ្គង់នឹងជួយស្វែងរកទីផ្សារលក់ផលិតផលរក្សាសន្តិសុខស្បៀង​ក្នុងបរិបទកូវីដ១៩​នេះ។​

៤~បន្តការខិតខំរកលទ្ឋភាពគ្រប់គ្រងនឹងបណ្តុះកូនឈើ​គ្រប់ប្រភេទ​ដើម្បី​មានលទ្ឋភាពផ្តល់ជូនសហគមន៍​ដាំដុះ​ក្នុងរដូវវស្សានេះ។

៥~បន្តយកចិត្តទុកដាក់ត្រួតពិនិត្យគុណភាពសម្ភារះកសិកម្ម ដើម្បីរក្សាបានបមាណីកសិកម្ម ជី ថ្នាំ​កសិកម្ម ទប់ស្កាត់ផលិតផលក្លែងក្លាយ ជី ថ្នាំ កសិកម្ម​ពីពួកឈ្មួញខិលខូចដែលតែងតែលបលួចនាំចូលខុសច្បាប់ពីប្រទេសជិតខាងនឹងក្លែងបមាណីកសិកម្មដើម្បីធានារក្សា​គុណភាពគុណតម្លៃផ្តល់ទំនុកចិត្តការប្រើប្រាស់ជូនប្រជាពលរដ្ឋអោយបានកាន់តែប្រសើរឡើង..! !