#ព្រៃវែង៖​ នៅព្រឹកថ្ងៃចន្ទ ៥កើត ខែបុស្ស ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែធ្នូ ឆ្នាំ២០១៩ មន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែងបានរៀបចំកិច្ចប្រជុំ បូកសរុបលទ្ឋផលការងារកសិកម្ម រុក្ខាប្រមាញ់ និងនេសាទ ខេត្តព្រៃវែង ឆ្នាំ២០១៩ និងលើកទិសដៅឆ្នាំ២០២០ ស្ថិតក្រោមអធិបតីភាពដ៏ខ្ពងខ្ពស់ ឯ.ឧ ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទនិង ឯ.ឧ ចាន់ រ៉ាន់ អភិបាលនៃគណៈអភិបាលខេត្តព្រៃវែង និងលោក អ៊ុក សំណាងប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រៃវែង។

 កិច្ចប្រជុំនេះមានការអញ្ជើញចូលរួមពីសំណាក់លោក លោកស្រី ថ្នាក់ដឹកនាំមន្រ្តីរាជការមកពី ក្រសួងកសិកម្ម និងលោក លោកស្រីមន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង សរុប៣០០នាក់ ស្រី៨១នាក់។